GƏZM Layihəsi “Qadınlara qarşı zorakılıq KİV-in güzgüsündə”adlı media monitorinqin ikinci mərhələsini yekunlaşdırıb. Monitorinq 5 noyabr -5 dekabr tarixlərində 8 milli televiziya kanalında və 40-a yaxın qəzetdə və informasiya agentliyində aparılıb.
GƏZM LayihəsiQadınlara qarşı Zorakılıq Əleyhinə 16 günlük kampaniya çərçivəsində jurnalistlərlə əməkdaşlığı davam etdirib. Bu əməkdaşlıq çərçivəsində jurnalist Natiq Güləhmədoğlu əsaslı zorakılıqla bağlı araşdırma hazırlayıb.
BMT-nin Əhali Fondunun Azərbaycanda Gender Əsaslı Zorakılıqla Mübarizə Layihəsi hər il 25 noyabr-10 dekabr tarixləri arasında – qadınlara qarşı zorakılıq əleyhinə 16 günlük kampaniya dövründə cəmiyyətin müxtəlif təbəqələrinin diqqətini sözügedən problemə yönəltmək məqsədilə xüsusi tədbirlər həyata keçirir. Builki kampaniya dövründə Layihə komandası qadınlara qarşı zorakılıq (QQZ) problemini fotoşəkillərlə cəmiyyətə təqdim etməyi qərara alıb.
GƏZM Layihəsi “525-ci qəzet”də gender əsaslı zorakılığa həsr olunmuş əlavə dərc etdirdi.
15 iyun 2010-cu il tarixində GƏZM Layihəsinin Milli Əlaqələndiricisi B. Əliyeva BMT-nin İnsan Hüquqları üzrə Ali Komissarlığı tərəfindən jurnalistlər üçün keçirilən seminarda “Qadın hüquqları: Azərbaycan hökumətinin Qadınlara qarşı Ayrı-Seçkiliyin Bütün Formalarının Aradan Qaldırılması üzrə Komitə (CEDAW) qarşısındakı öhdəlikləri. Gender əsaslı zorakılıqla bağlı məlumatlılığın artırılmasında medianın rolu” mövzusunda təqdimatla çıxış edib.
Gender Əsaslı Zorakılıqla Mübarizə Layihəsi/BMT-nin Əhali Fondu XXI Əsrdə Qadınlara Qarşı Zorakılıq Əleyhinə Layihə, Ailə, Qadın və Uşaq Problemləri üzrə Dövlət Komitəsi, Gənclər və Turizm Nazirliyi və Kinematoqrafiya Fondu ilə birgə ilk dəfə 2009-cu ildə keçirilmiş “Azərbaycan ailəsi: keçmişdə, indi və gələcəkdə” adlı film festivalı - müsabiqəsi keçirdi.
GƏZ-lə mübarizədə kişilərin rolunun artırılması və qadınlara qarşı zorakılıq üzrə mübarizəyə kişilərin partnyor qismində cəlb edilməsi məqsədilə 15-17 aprel 2010-cu il tarixlərində Tiflis şəhərində Cənubi Qafqazda Gender Əsaslı Zorakılıqla Mübarizə Layihəsi tərəfindən Təlimçilər üçün Təlim keçirildi.
